Beray-i sahilseray-i Çirağan
Eğer sahil-sera görmekse çarhın maksad-ı canı
Temaşa eylesün bu dil-nişin bağ ü gülistanı
Fürûzandır sipihrin bunda heb şem’i şebistanı
Efendim yümn-i teşrifinle mesrür it Çirağan’ı
Bunun manendi bir sahil-sera yokdur hakikatde
Niçün kim mazhar-ı eltaf-ı Hünkar oldu gayetde
Nazar gah-ı kerametde makam-ı kurb-i devletde
Efendim yümn-i teşrifinle mesrür it Çirağan’ı
Anın her kahı bir beytü’l-kaside taze mazmundur
Bütün ma’na-yı zıba-yı meserretlerle meşhundur
Kusuru var ise şevketle teşrif-i Hümayundur
Efendim yümn-i teşrifinle mesrür it Çirağan’ı
Münakkaş revzeni kim çak çak ü dağ dağ olmuş
Ser-a-ser müjde-i teşrifi bekler göz kulağ olmuş
Dahi sayende abadan olup şimdi çirağ olmuş
Efendim yümn-i teşrifinle mesrür it Çirağan’ı
Sen ihya eyledin hem bağ-ı mülki hem bu dül-zarı
Dua-yı devletindir herkesin Galib gibi karı
Diriğ itme kerem kıl bendelerden lutf-i didarı
Efendim yümn-i teşrifinle mesrür it Çirağan’ı
Çirağan kapusu bâlâsına muharrerdir
Sabahu’l-hayr-i devlet bu der-i vala-yı ismetdir
İki bali hüma-yı mihr ü şehbal-i saadetdir
Nücum-ı asüman deryuze eyler astanından
Çirağan ile memlü bir Çırağan-ı inayetdir